Ta’lim va san’at sohasida samarali hamkorlik Termiz shahar 2-sonli bolalar musiqa va san’at maktabi hamda Termiz davlat universiteti Milliy libos va san’at fakulteti o‘rtasida hamkorlik izchil davom ettirilmoqda. Mazkur hamkorlik doirasida mutaxassis kadrlarni tayyorlash va ularning kasbiy mahoratini oshirish, amaliy ko‘nikmalarini mustahkamlash hamda zamonaviy ta’lim texnologiyalarini joriy etish bo‘yicha samarali ishlar amalga oshirilmoqda. Shuningdek, o‘quv-uslubiy tajriba almashinuvi, mahorat darslari, ijodiy uchrashuvlar va qo‘shma tadbirlar tashkil etilib, yosh iste’dodlarni qo‘llab-quvvatlash hamda ularning ijodiy salohiyatini yanada rivojlantirishga alohida e’tibor qaratilmoqda.